Հինգշաբթի, Մայիս 28-ի « երեկոյան ,Հիւսիսային Էմիրութեանց Ազգ. Վարչութեան կազմակերպութեամբ տեղի ունեցաւ խրախճանք Տուպայի Քրաունը Փլազա պանդոկի հանդիսասրահին մէջ, համեստ թիւով՝ հարիւրէ հարիրյիսուն տարուբերող ներկաներու: Այդ առիթով խօսք առաւ Ատենապետ Պարոն Մուշեղ Պէտիրեան: Նշանակ շահեկան կը գտնէ հրապարակել Պարոն Պէտիրեանիարտասանած հինգ վայրկեան տևող խօսքը, կարճ, պատշաճ և դիպուկ : Ընդհանրապէս հայ իրականութեան մէջ Պէտիրեանի խօսքին բովանդակութեամբ խօսքեր կը ներկայացուին երկարապատում բացատրութիւններով, հարիւրաւոր ածականներով՝տեղին, անտեղի: Այս արագ դարուն Պէտիրեանի ընդունած ոճն է որ պէտք է որդեգրուի որևէ հանդիսավարի կամ ճառախօսի կողմէ:
Ներողամտութիւնը կը հայցենք ընթերցողին որ տեղեկատուական կայքէջ մը չըլլալուն պատճառաւ ձեռնարկին մասին տեղեկատուութիւն պիտի չկարենանք տալ , այդ շնորհակալ գործը վստահելով այլ քոյր կայքէջներու պատասխանատուներուն:
«Նշանակ»
_____________________________________________________________
Առաջին համաշխարային պատերազմի ընթացքին եւ մինչեւ պատերազմի աւարտը, Արեւմտեան Հայաստանի մէջ բնակող մեր ժողովուրդի հատուածին վրայ դաժանօրէն բարձրացաւ Օսմանեան բռնապետութեան արիւնոտ եաթաղանը,հնձելով ողջ հայ ժողովուրդի մեծ մասը ՝ 1.5 միլիոն անմեղ զոհեր: Այրուեցան ու քանդուեցան հայկական կոթողներ, վանքեր, օճախներ, արտեր ու այգիներ: Հայու արեան ծարաւէն անյագ, բորենիացածև ընչաքաղց Թուրք ղեկավարութիւնը փորձեց լափել նաև հայ ժողովուրդին միւս հատուածը իր ապրելավայրով միասին :
1918 Մայիսին ան ձեռնարկեց հրէշային նոր ծրագրի մը գործադրման՝Արեւելահայութիւնը ենթարկել Արևմտահայութեան ճակատագրին:Արևելահայութիւնը, որուն միացած էին ջարդէն ճողոպրածԱրեւմտահայ բեկորներ, հանդէս եկաւ միասնական կամքով, ոտքի ելաւ, երկրագունդի արգանդէն պայթողլաւայի նման նետուեցաւ պատերազմի դաշտ, ևՍարդարապատի, Ղարաքիլիսէի եւ Բաշ Ապարանի ճակատամարտերով ետ մղեց Թրքական մահացու սպառնալիքը եւ արիւնով հաստատեց իր ազատ ու անկախ ապրելու իրաւունքը:
Այդ դաժան պայքարին,կազմակերպողի, անձնազոհութեան եւ խիզախութեան օրինակներ դարձան ճակատամարտերուն ոգի նեշնչող աննման քաջ հայորդիներ յանձինս Արամ Մանուկեանի, Զօրավարներ՝ Նազարբէկեանի, Սիլիկեանի ու Փիրումեանի, Դրոյի, Անդրանիկի, Գարեգին Նժդեհի եւ այլոց:
Փառք ու պարծանք, բոլոր անմահացած հերոսներուն, որոնք ծնունդ տուին 1918-ի Մայիս 28-ին Ազատ ու Անկախ հռչակուած Հայաստանին, ինչպէս փառք՝ Սարտարապատէն ութսունէ աւելի տարիներ ետք Շուշին ազատագրող հայ ազատատենչ մարտիկներուն:
Կեցցէ Հայ ժողովուրդը, կեցցէ Հայոց Բանակը, կեցցեն երիտասարդ Հայաստանն ու Արցախը: Թողապրի յաւէտ ու նորանոր յաղթանակներ արձանագրէ ողջ հայութիւնը:
«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»
0 comments:
Հայտնեք Ձեր կարծիքը՝