Յայտարարութիւն

Saturday, November 14, 2009

ՀԱՅՐԵՆԻՔԻ ԲԱԳԻՆԻՆ ԿԱՄԱՒՈՐ ԶՈՀԵՐ 1 Արցախի Հերոսներու Հակիրճ Կենսագրութիւններ


ՅԻՇԱՏԱԿՆ ԱՆՈՆՑ ՕՐՀՆՈՒԹԵԱՄԲ ԵՂԻՑԻ


.«.«..«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.
ՎԱՐԴԱՆ ԲԱԽՇԵԱՆ

Ծնած է Հոկտեմբերեան /Արմավիր/, 1965, 1989-ին աւարտած է Երեւանի Պետական Համալսարանը:
Հ.Մ.Ը.Մ-ի Հայաստանի կազմակերպութեան հիմնադիրներէն էր: 5 Ապրիլի 1991-ին ընտրուած է Հ.Մ.Ը.Մ..-ի կեդրոնական վարչութեան անդամ : 1990-ին կ՜անդամակցի Հ.Յ.Դաշնակցութեան :
Մասնակցած է ինքնապաշտպանական մարտերու: Զոհուած է Հասանապատի պաշտպանութեան ընթացքին, 17 Հոկտ. 1991-ին Օմոնականներու կողմէ: Իր հետ նաեւ կը նահատակուին Գագիկ Գրիգորեանը եւ Վաչէ Ռոստոմեանը:


ՎԻԳԷՆ ՍԱՄՈՒԷԼ ԳՐԻԳՈՐԵԱՆ

Ծնած է 1951-ին, Հադրութի շրջանի Տող գիւղը: Հայոց լեզուի եւ գրականութեան ուսուցիչ էր, երեք զաւակի հայր: 1990-ին զինուորագրուած էր Հ.Յ.Դաշնակցութեան, 1992-ին ընտրուած է Հ.Յ.Դ. Լեռնային Ղարաբաղի Հանրապետութեան կեդրոնական կոմիտէի անդամ:
Զոհուեցաւ 1993, Ապրիլ 5-ին:

ՍՄԲԱՏ ՄԻՐԶՈՅԵԱՆ

«Անդամագրուեցաւ ազատամարտիկներու հզօր փաղանգին, գնաց հայրենիքը փլատակներու վերածող բռնակալութեան դէմ մարտնչելու:
Վաղուհաս գիւղի մօտ մղուած ծանր մարտերու մէջ վիրաւորուեցաւ: Երկար ժամանակ գամուած էր անկողինին: Շատերը կը կարծէին, թէ Սմբատը ապաքինելէ յետոյ այլեւս զէնք չի վերցներ: Մանաւանդ, որ վէրքերը ծանր էին, դժուար կը բուժուէին: Սակայն տարբեր էր Սմբատը...:
Երկարատեւ բուժումէ յետոյ,լրիւ չապաքինած, կրկին մեկնեցաւ Արցախ, կրկին զէնք վերցուց ու պաշպանեց հայրենի հողը: Երդուած էր մարտնչել մինչեւ Արցախի վերջնական ազատագրումը:
Սմբատի մարմինը կը հանգչի հայրենի Խնձրիստան գիւղին մէջ: Իսկ հոգին մարտադաշտի մէջ է, այնտեղ ուր զինք կը կանչէ հայրենիքը:»

ԴԱՒԻԹ ՍԱՐԱՊԵԱՆ

Իր ծնողքի միակ զաւակն էր Դաւիթը: Ծնած է 1966-ին ,Երեւան:
1990 թուականին մասնակցած է Հայաստանի սահմաններու պաշտպանութեանը: 1991-էն «Մեծն Տիգրան» գունդի հետ կը մարտնչի Շահումեանի մէջ:
Իր ձեռքով վար առած է «Կոկորդիլոս» Crocodile տեսակի ռազմական ուղղաթիռ մը:
Զոհուած է 1991 թուականի Դեկտեմբերին Թոդան գիւղի մարտերուն:

ՏԻԳՐԱՆ ՅԱԿՈԲԵԱՆ

Ծնած է 1966-ին: 1989 թուականին մասնակցած է Արցախի պայքարին: Միշտ եղած է առաջին գիծի վրայ:
Էրքեջ գիւղի մերձակայ բարձրունքները գրաւած թշնամիին յարձակումները կասեցնելու համար անհրաժեշտ էր յարձակիլ: Տիգրանը դարձեալ առաջին շարքին մէջ էր: Թշնամին խուճապահար նահանջեց: Սակայն ինկաւ Տիգրանը, իր շուրջ ձգելով տասնեակ դիակներ:



ՏԻԳՐԱՆ ՍԱՐԳԻՍԵԱՆ

Ծնած է 1965-ին ,Երեւան: 1988-էն մասնակցած է ազգային ազատագրական պայքարին: Երեւանի Պետական համալսարանի իրաւաբանական Ֆակուլտետի ուսանողը մեծ ապագայ կը խոստանար:
«Մեծն Տիգրան» գունդի հիմնադիրներէն էր:
1991 թուականի Դեկտեմբեր 9-ին Շահումեանի Թոդան գիւղի յետախուզութեան ընթացքին կը նահատակուի:

ՆՈՐԻԿ ԽԱՉԱՏՈՒՐԵԱՆ

Ծնած է 1962 թուականին:
Անդամ էր «Մեծն Տիգրան» ջոկատին: Նուիրական ցանկութիւն ունէր մասնակցիլ Գետաշէնի ազատագրմանը: Խիզախ ու փորձառու հրամանատար էր:
1992-ին Էրքեջի մէջ կատաղի մարտեր էին, Նորիկը ,ինչպէս միշտ, առաջին գիծի վրայ էր: Քիչ մը այն կողմ Գետաշէնն էր, Գետաշէնը որուն ազատագրման համար Նորիկ երդում տուած էր թափել արեան մինչեւ վերջին կաթիլը, բայց աւաղ ինկաւ չհասած Գետաշէն... յանձնարարելով ընկերներուն չընկրկիլ եւ չխնայել սեփական արիւնը հայրենիքի պաշտպանութեան սուրբ գործին:


ՎԱԼԵՐԻ ՂԱՄԲԱՐԵԱՆ

Ծնած է 1948 Մարտ 5-ին, Արցախի Մարտակերտ շրջանի Այգեստան գիւղը: Աւարտած է Այգեստանի միջնակարգ դպրոցը: Երկու տարի ծառայած է Խորհրդային բանակին: 1976-ին կ'աւարտէ Երեւանի ճարտարագիտական Համալսարանի Ռադիոէլեկտրոնիկայի Ֆակուլտետը:
1990-ին Այգեստանի մէջ, ինչպէս շատ մը այլ գիւղերու մէջ, իշխանութիւններէն գաղտնի կազմաւորուեցան ինքնապաշտպանութեան ջոկատներ` Վալերիի հրամանատարութեամբ:
Յետագային կը մասնակցի Շահումեանի մարտերուն :1990-ին կը ծանօթանայ Լեռնիդ Ազգալդեանին: Կ'որոշեն միասնաբար ստեղծել ռազմական զօրամիաւորումներ:
Մասնակցած է Բուզլուխի, Մանաշիդի, Էրքէջի ճակատամարտերուն:
Ռազմական արուեստին ծանօթ եւ քաջ հրամանատար ,կը նահատակուի 1990 Սեպտեմբեր 17-ին:



ԿԱՐԷՆ ՄՆԱՑԱԿԱՆԵԱՆ

Ծնած է 1959 Մայիս 16-ին՝ Մարտակերտ: Աւարտած է Մարտակերտի միջնակարգ դպրոցը եւ Երեւանի Մեքենաշինական ուսումնարանը: Ծառայած է Խորհրդային բանակին: 1988 էն սկսեալ Կարէն Արցախի ազատագրական պայքարի ջահակիրներէն էր: Երբ Մարտակերտի մէջ յայտարարուեցաւ, որ թուրքերը մտած են Ղազանչի գիւղը, կամաւորներու առաջին շարքին վրայ կը գտնուէր Կարէնը:
1993 Փետրուար 14-ին ազատամարտիկները ազատագրեցին Վաղուհասը, բայց Հայրենիքի ազատութեան զոհասեղանին աւելցաւ անուն մը եւս... Կարէն Մնացականեան:

Պատրաստեց
Տալիտա Գալըպճեան

Շար. 1





«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»

0 comments:

Հայտնեք Ձեր կարծիքը՝