ՄԱՐԴՈՒ ՄԱՍԻՆ
Կեանքի աներեւոյթ լարին վրայ առաձիգ
ՄԱՐԴն ի բնէ
Լարախաղաց մ'է անանուն
Սակայն կեանքը
Մեզ –բիւր ՄԱՐԴկանց-շնորհած է
Լոկ մէկ կշռաձող
Մինչ ՄԱՐԴը անփորձ անկարգապահ
Առանձնապէս տիրանալու համար այդ միակ ձողին
Բանտարկած է կիսագունտն հանուր
Եւ աքսորած է միւս կէսը թաքուն
Եւ այսպէս տարուած
Տիրապետողի հաճոյքներով խուլ
Կորսնցուցած է իր հոգիին հետ կշռաձողն եւս
Ու ճպոտն իր ձեռքէն խլուած կոյրի պէս
Ունայնութեան մէջ ինկած է
Ինկած
Ահա թէ ինչու մեր ծնած օրէն
Մեր սրտակեղեք լացը կ'արձակենք
Սագօ Ք. Խաչերեան
«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»
0 comments:
Հայտնեք Ձեր կարծիքը՝