ՊԱՏԿԵՐ -1-
Խաչ մը
Երկու
Մտասոյզ մութուլոյս
Ալիքներու շաղփաղփուն
Կին մը
Մինակ
Մորմոքուն առաւօտ
Քամիներու վայնասուն
Գանատա
Անզոյգ
Մնջահեղձ իրիկուն
Երազներու ամլութիւն
Խաչ մը
Կին մը
Գանատա
Պատրանաթա~փ հովուերգութիւն
ՊԱՏԿԵՐ -2-
Իրականութեան եւ պատրանքին միջեւ
Թել մը միայն
Գիծ մը լոկ
Շեշտ մը անզօր
Որ մերթ ընդ մերթ կը ցցուի հորիզոնիս
Անցելացած անյոյս կիրքով վերաբորբ
.............................................................................
Կամք մը տժգոյն
Խայծ մը անթեղ
Տենդ մը հարցական
Ըլլալ-չըլլալու...
..............................................................................
Շեշտ մը միայն
Անէացած սիրոյ
Լոկ գիծ մը գի՜ծ
Արտանետուած պատկերի
Թել մը անզօր
Մատաղահիւս կեանքի
-Գոյութենակա՜ն պատրանք-
Սէր
Պատկեր
Կեանք
Խարխափում
Խարխափում
Խարխափում
Ճշմարիտ արարման
ԺԱՌԱՆԳՈՒԹԻՒՆ
Գինին նման է մօրս արցունքին
-Կարմիր է կարմի՜ր-
Անկարեկից կարօտներու յաճախանքով լի
Պատերազմներու արհաւրալից
Հնձաններէն քամուած ի սպառ
Դար մը ամբողջ ծով արցունքի
Մայրս է ան
Հաւատք մÿամբողջ լուռ աղօթքի
Մայրս է ան
Կեանք մը անգիր տառապանքի
Մօրմէս ինծի ժառանգ թողուած
«Վարդահեղեղ» սպասումի անմեկնելի դողն է ան...
Ս.Դ. ԳՐԻԳՈՐԵԱՆ
Նոյեմբեր, 2006
Մոնթրէալ
«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»
0 comments:
Հայտնեք Ձեր կարծիքը՝