«Նշանակ»ի գրական բաժնին կը միանայ Իրաքահայ բանաստեղծ Արամ Քէթէնճեանը:Պարբերաբար պիտի հրապարակենք իր բանաստեղծութիւնները ,որոնք իրենց պարզութեանց մէջ խոր են եւ թափանցող:
Բարի գալուստ սիրելի Արամ:
«Նշանակ»
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.
ԵՍ ՉԷԻ ԳԻՏԵՐ
Ես չէի գիտեր,որ Արագածի լանջերն են հզօր,իսկ ձորերը՝խոր.
Ու վերելքն անոր,որքան սոսկալի,այնքան ալ է դիւր:
Ես չէի գիտեր,որ Արագածի կողերուն խրոխտ,աղբիւրներ կան բիւր,
Ուր ջուրն է զուլալ,ան՝ քաղցր ու մաքուր:
Ես չէի գիտեր,որ վանքն Ամբերդի հանդարտ կը ժպտի վտակին ձորի,
Իսկ Ամրոցն անխախտ,անվերջ կը հսկէ լերան ծերունի:
Ես չէի գիտեր,որ Արագածի գագաթները սէգ՝տէրն են ամպերուն.
Իսկ անոնց ձիւնը՝ յաւերժ, շողշողուն...
Ես չէի գիտեր,որ Քարի Լիճը ,երբեմն անյայտ,
Անտեսանելի իրողութիւն է:
Ես չէի գիտեր,որ Արագածի ժայռոտ մէկ լանջին,
Հպարտ բազմած է ուխտաւորներու հոգին ներշնչող՝
Ս.Աստուածածին վանքը Տեղերի:
Ես չէի գիտեր,որ ստորոտին գիւղեր կան սիրուն,
Ուր կ՜ապրին հուրի փերիներ զուարթուն.
Գիւղեր,որ ունին այգիներ գոյն գոյն:
Սակայն ճիշդն ըսեմ,
Որ այդ բոլորը գիտէի իրօք,
Բայց...չէի գիտեր...
«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»
0 comments:
Հայտնեք Ձեր կարծիքը՝