« Երեք շաբաթ առաջ ստացանք հետեւեալ կոչը որ կը հրապարակենք առ ի գիտութիւն մեր ընթերցողներուն:
«Նշանակ»
«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«
Մեծարգո պարոն.
<<Հայ խոհարարական ավանդույթների զարգացման և պահպանման>> հասարակական կազմակերպությունն ստեղծվել է 2007 թվականին: Կազմակերպության նպատակը ավանդական հայկական խոհանոցի վերհանումն է, լուսաբանումն ու մասսայականացումը: Այդ առումով արդեն բավական աշխատանքներ են կատարված: Մասնավորապես, Հայաստանի, Արցախի և Ջավախքի գյուղերում մեր մասնագետները բանահավաքչություն են իրականացնում, մոռացությունից վեր են հանում ավանդական կերակրատեսակներ, դրանք փորձարկվում են մեր բազային ռեստորանում` <<Արարատ հոլլ>>-ում և մասնագետների համապատասխան եզրակացությունից հետո կիրառվում են և մասսայականացվում:
Կազմակերպությունը մեծ աշխատանքներ է կատարել տոնածիսական կերակրատեսակների վերականգնման ուղղությամբ: Հայկական ավանդական տոները նշվում են մեր ռեստորանում` համապատասխան կերակրացանկով: Այս առումով արժևորում ենք հայկական ավանդական սննդի համակարգը վերականգնելու աշխատանքը:
Մենք նաև կազմակերպել ենք բազում խոհարարական մրցույթներ, միջոցառումներ... աշնանը ՀՀ Սփյուռքի նախարարության հետ նախատեսում ենք անցկացնել համահայկական խոհարարական ֆորում: Արդեն եղել է <<Համահայկական խոհարարական ակադեմիայի>> հիմնադիր ժողովը և այժմ ակադեմիայի հիմնադրման ու կայացման աշխատանքներն ենք նախապատրաստում:
Կազմակերպության նախագահ Սեդրակ Մամուլյանը <<Երկիր Մեդիա>> հեռուստաալիքով, որ հեռարձակվում է ողջ աշխարհով, վարում է <<Արարատյան խոհանոց>> հաղորդաշարը: Հայաստանի տարբեր մարզերում նախատեսել և անց ենք կացնում փառատոններ. արդեն ավանդական է դարձել Լոռու մարզի Ախթալա քաղաքի խորովածի փառատոնը: Այս տարի տարբեր մարզերում կանցկացվեն տոլմայի, խաշի, հացի...նմանատիպ այլ փառատոններ:
Մենք ուրախ կլինենք համագործակցել Ձեր կազմակերպության հետ այս աշխատանքների շուրջ: Մասնավորապես, ինչես նշվեց վերևում, մենք բանահավաքչություն ենք կազմակերպում: Սակայն, ցավոք, մեր ուշադրությունից դուրս է մնում հայկական սփյուռքը: Իսկ արևմտահայ խոհանոցը, իրավամբ, համարվում է համաշխարհային խոհանոցի հիմքը:
Մեծարգո պարոն. սփյուռքահայության մեջ բանահավաքչություն կազմակերպելու նպատակով ակնկալում ենք Ձեր աջակցությունն ու համագործակցությունը:
Բանահավաքչության արդյունքում մենք պատրաստվում ենք լույս ընծայել <<Հայ ավանդական խոհանոց>> հանրագիտարանը:
Հուսով ենք, Դուք պատրաստակամ կլինեք համագործակցել մեզ հետ և կարձագանքեք մեր նամակին:
Սրտանց ողջույններով` կազմակերպության քարտուղար Վահե Անթանեսյան:
+37477936593
«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»
0 comments:
Հայտնեք Ձեր կարծիքը՝