Յայտարարութիւն

Saturday, November 5, 2011

Քիմ Քարտաշեան Ցեղասպանութեան մասին

Աշխարհի մէջ քիչեր կան որ չեն ճանչնար հայազգի Քիմ (Քիմպըրլի Նոէլ) Քարտաշեանը: Ուքիփիտիան հետեւեալը կը վկայէ իր մասին.

Ծնունդ - Ծնած է Լոս Անճելըս , 21 Հոկտեմբեր 1980ին:
Հպատակութիւն – Միացեալ Նահանգներ
Զբաղում – Գործարար կին, հեռատեսիլի անձնաւորութիւն, մօտէլ, դերասանուհի
Ամուսին – Քրիս Համֆրիզ
Ծնողք – Րոպըրթ Քարտաշեան (Հայր)
Քրիս Ճէննըր (Մայր)
Պրուս Ճէննըր (Խորթ հայր)
Կայքէջ - www.kimkardashian.celebuzz.com

Վարի տողերը յստակօրէն կը վկայեն թէ հայը որքան խոր արմատ է նետած այս աշխարհահռչակ գեղեցկուհիին էութեան մէջ:

«Նշանակ»

.«.«...«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.«.

«Ընտանիքս ու ես անհաւատալիօրէն հպարտ ենք մեր ժառանգութեամբ: Հայրս ինծի շատ բան սորվեցուցած է հայկական մշակոյթի մասին եւ ես զօրաւոր կապ ունիմ իմ արմատներուս հետ: Ամէն տարի կը պատուեմ յիշատակը բոլոր նահատակներուն , որոնք սպաննուեցան 1915 ի Հայկական Ցեղասպանութեան ատեն: Հակառակ անոր որ շատ մը երկիրներ ,աշխարհի չորս ծագերուն , ճանչցած են Ցեղասպանութիւնը, Թուրք կառավարութիւնը կը շարունակէ զայն ուրանալ:

Ցեղասպանութիւնը տեղի ունեցաւ նախ քան Րուանտան, Տարֆուրը եւ «Հոլոքոսթը»: Հաւանաբար այս ցեղասպանութիւններէն որեւէ մէկը տեղի չէր ունենար ,եթէ աւելի ազգեր դատապարտած ըլլային Հայկական Ցեղասպանութիւնը, որուն հետեւանքով մէկուկէս միլիոն Հայեր ջարդուեցան:

Կարգ մը մարդիկ կրնան զարմանալ թէ ինչու իմ Պլոկիս մէջ կը խօսիմ պատմութեան մասին: Եւ այդ է որ կ'ուզեմ ցոյց տալ... որ պատմութիւն չէ: Մինչեւ այն ատեն , որ ոճիրը արդարութիւն չի գտներ ՝ Հայ ազգը պիտի ապրի իր նահատակ ընտանիքներուն ցաւովը եւ վախովը ՝ թէ ինչ կրնայ տակաւին պատահիլ իր հայրենիքին:

Հետեւաբար, յարգելով յիշատակը բոլոր այն անմեղ մարդոց որոնք մեռան, լուսարձակի տակ կ'առնեմ այս օրը:»

21 Ապրիլ 2011

Քաղուած Քիմ Քարտաշեանի Պլոկէն
www.kimkardashian.celebuzz.com



«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»«»

0 comments:

Հայտնեք Ձեր կարծիքը՝